soreeyes

Uso pala soreeyes ngayon. Eto ang pawelcome ng taong 2007 sa pamilya namin. Hehe... oo buong pamilya namin ngayon ay maysoreeyes. Si Papa, si Mommy, lahat ng kasama namin sa bahay. Pinagtatawanan ko silang lahat tas tinutukso ko pa kase kahit anung gawin nila hindi nila ako kayang hawaan. Oh soreeyes layuan mo ako. Hindi maaari. Hindi nila ko pwedeng hawaan dahil sandamakmak ang exam at papers ko ngayong linggo.



Pero...hindi na ko nakapalag. Nadamay pa rin ako. Ba't hinawaan nio pa rin ako. Sinabi na kaseng layuan nio ako. Sinabi na ngang hindi pede dahil santambak ang gagawin ko ngayon. Pero wala na akong nagawa dahil nagising na lang ako ngayong umaga na namamaga na yung mata ko. Bigla ko na lang nakita ang sarili ko sa harap ng salamin nakatayo, luwa ang mata. Oo, confirmed may soreeye na nga ako. Soreeye, dahil sa ngayon yung kanang mata ko palang yung meron at sana wag ng madamay pa yung kaliwa.

Pano ka ba naman hindi magkakasoreeye eh kahit sinong kausapin mo dito sa bahay eh apektado ng nakakahawang sakit na yun. Wala akong ligtas.

Ang panget pala ng itsura kapag may soreeyes ka.

Una, kung maliit ang mata mo siguradong mamamaga yan kaya hindi magpapantay ang mata mo kung maysoreeyes ka. Magiging kamukha mo ang kubang si Quazimodo.

Pangalawa, Talo mo pa ang isang drug addict na humithit ng isangdaanglibong gramo ng shabu sa pagkapula ng mata mo. Kaya wag kang pagalagala sa kalye kung ayaw mo maimbitahan sa isang pot session.

at ang Pangatlo , Hindi mawawalan ng luha ang mga mata mo, kaya aakalain ng mga tao na nakikidalamhati ka kay 'Mother Lily' kahit na 'Enteng Kabisote' naman ang pinanood mo. Tatalunin ng mga mata mo ang bahang idinulot ng bagyong Reming, kaya maghanda ka na ng tabo.

Oo. Seryoso kahit na medyo exaj yung mga sinabi ko, totoong pangit ang itsura mo kung maysoreeyes ka kaya wag mo ng balakin pang lumabas ng bahay nio. Pero kahit naman lumabas ka, sigurado din namang itataboy ka pauwi ng mga kapitbahay nio dahil ayaw nilang mahawa sa yo. At ayaw din nilang maging kamukha ni Quazimodo.

Pero kung pangit ang itsura mo kung may sore eyes ka, di hamak na mas pangit ang pakiramdam nito. Mabigat ang mga mata mo. Para kang nanuod ng click at magnifico ng isanglibong beses.Tsaka parang gusto ko na ngang imbitahin ang mga taga-Ripley's bilibitornat dahil pakiramdam ko kaya ko ng humila ng isang 10-wheeler truck gamit ang kanang mata ko. Di lang yan, parang gusto ko na ring sprayan ng off, baygon, at isopropyl alcohol ang mata ko dahil sobrang kati nito pero hindi ko naman magawa dahil ni dulo ng kuko ko hindi makalapit sa aking mata, sa takot na lalong lumalala.



Soreeyes. Soreeyes. Soreeyes. (Edit..edit.) Soreeye. Soreeye. Soreeye. Sa kung sino man na nakakabasa nito ngayon. Nawa'y swertihin ka ngayong araw na ito. Sana'y magkasoreeyes ka rin ng maramdaman mo ang hirap na dinaranas ko ngayon.

hehe. joke lang. :P


----------
*word of the day*

mayhem (mā'hĕm, mā'əm) , in common law, the crime of willfully injuring a person so as to diminish his or her capacity for self-defense.